শকুন্তলা আৰু শংকৰ যোচেফ আলি

এক পৰিস্থিতিত পৰি শকুন্তলাই নিজৰ পুত্ৰ সন্তানক লৈ ঘৰ এৰি আহিবলগীয়া হয়। অট'চালক শঙ্কৰ জোচেফ আলিয়ে তাইক ভনীৰ দৰে আশ্ৰয় দিয়ে। শঙ্কৰ নিজেই মাউৰা, সেয়ে শকুন্তলাৰ সমস্যাবোৰ তেওঁ ভালদৰে বুজি পায়। সতীৰ্থ অট'চালকসকলৰ সহায়ত শঙ্কৰে শকুন্তলাৰ সন্তানটিক প্ৰতিপালন কৰিবলৈ লয়।

ছবিখন নিপ বৰুৱাই পৰিচালনা কৰিছিল। শকুন্তলাৰ ভূমিকাত মৃদুলা বৰুৱা, শঙ্কৰ জোচেফ আলিৰ ভূমিকাত নিপন গোস্বামী আৰু অকনৰ ভূমিকাত তপন দাস অভিনয় কৰিছিল। আন শিল্পীসকলৰ ভিতৰত আছিল আব্দুল মজিদ, অমলা কাকতি, বীণা দাস মান্না আৰু এটি সৰু চৰিত্ৰত জয়ন্ত দাস। সঙ্গীত পৰিচালনা ৰমেন বৰুৱাৰ আৰু গীতৰ কথা কেশৱ মহন্তৰ।