তপন দাস

তপন দাস গুৱাহাটীৰ এগৰাকী অভিনেতা, পৰিচালক আৰু গল্পকাৰ। তেওঁ অসমীয়া চলচ্চিত্ৰ, ভ্ৰাম্যমাণ থিয়েটাৰ আৰু মঞ্চ নাটকত সক্ৰিয়। আশীৰ দশকৰ আৰম্ভণিতে স্কুলত পঢ়ি থকা সময়তে অভিনয় আৰম্ভ কৰা তেওঁ গুৱাহাটীৰ মঞ্চত নাম কৰি পাছত বোলছবিলৈ আহে।

১৯৮৪ চনত পুলক গগৈৰ 'সেন্দূৰ' ছবিৰে তেওঁৰ চলচ্চিত্ৰ জীৱনৰ আৰম্ভণি হয়। তেতিয়াৰে পৰা তেওঁ কুৰিখনতকৈ অধিক অসমীয়া ছবিত অভিনয় কৰিছে। আমাৰ তথ্যভঁৰালত থকা ছবিবোৰৰ ভিতৰত আছে সূত্ৰপাত (১৯৮৭), অভিমান (১৯৯০), প্ৰত্যাবৰ্তন (১৯৯৩), ৰামধেনু (২০১১), সমীৰণ বৰুৱা আহি আছে (২০১২), সূৰ্যাস্ত (২০১৩), অহেতুক (২০১৫) আৰু বৰষাৰণ্য (২০১৬)।

চলচ্চিত্ৰৰ উপৰিও তেওঁ কহিনুৰ, বৰদৈচিলা, শকুন্তলা, হেঙুল, ৰাজতিলককে ধৰি একাধিক ভ্ৰাম্যমাণ থিয়েটাৰত অভিনয় আৰু নাট পৰিচালনা কৰিছে, পাছলৈ থিয়েটাৰ সূৰ্যৰ সৈতে জড়িত হয়। তেওঁৰ গ্ৰন্থৰ ভিতৰত মেঘমল্লাৰ (২০০৮) অন্যতম। ২০১২ চনত তেওঁ ৰূপকাৰ বঁটা লাভ কৰে।