প্ৰভাতী পখীৰ গান

সেউজপুৰ মিলন সংঘ এসময়ত কলা-সংস্কৃতিৰ চৰ্চাৰ কেন্দ্ৰ আছিল, কিন্তু এতিয়া সংঘৰ ঘৰটো উৱলি গৈছে। তথাপি ডেকা ল'ৰাজাকে তাতে আড্ডা মাৰে। কোনোবাই কেৰম খেলে, কেইজনমানে গীটাৰ বজাই সংগীতৰ চৰ্চা কৰে, আৰু চাকৰিৰ দৰখাস্ত দি দি ভাগৰি পৰা কোনোবাই তাতে অলপ জিৰণি লয়।

ছবি পৰিচালক হোৱাৰ সপোন দেখা এজনে পেটৰ তাড়নাত ধনী ঠিকাদাৰৰ সহকাৰী হিচাপে কাম কৰে আৰু সংঘলৈ আহি মনৰ দুখ উজাৰি দিয়ে। কেতিয়াবা তেওঁলোক নিৰাশ হয়, কিন্তু তাৰ মাজতো পোহৰৰ সপোন দেখে।

ছবিখন ৰাজকুমাৰ পিকচাৰ্ছৰ বেনাৰত নিৰ্মিত আৰু প্ৰযোজক বিজয় নাৰায়ণ তিৱাৰী আৰু অমৰ নাথ তিৱাৰী। কাহিনী অমূল্য কাকতিৰ আৰু সংগীত পৰিচালনা জে পি দাসৰ।