হিয়া দিয়া নিয়া

এখন ধনী পৰিয়ালে নিজৰ ছোৱালীৰ বাবে বৰ বিচাৰি আছে। দেউতাকে বন্ধুৰ গাঁৱত থকা ল'ৰাটোৰ লগত ছোৱালীক বিয়া দিব বিচাৰে, কিন্তু মাক আৰু ছোৱালীয়ে অনাবাসী ভাৰতীয় ল'ৰা এজনক বেছি পছন্দ কৰে।

পূজা মোশ্বন পিক্সাৰ্চৰ হৈ মুনীন বৰুৱাই পৰিচালনা কৰা এই ছবিখনৰ সংগীত জুবিন গাৰ্গৰ আৰু চিত্ৰগ্ৰহণ মৃণাল কান্তি দাসৰ। ১৯৯৯ চনৰ ৭ ছেপ্তেম্বৰৰ পৰা ১৪ অক্টোবৰলৈ ছবিখনৰ নিৰ্মাণ চলে। বিদেশত চিত্ৰায়ণ কৰা প্ৰথম অসমীয়া ছবি এইখনেই।

২০০০ চনৰ ২৫ ফেব্ৰুৱাৰীত মুক্তি পোৱা ছবিখন প্ৰায় প্ৰতিঘৰ পৰিয়ালৰে চিনেমা চোৱাৰ পছন্দ হৈ পৰে, ২০০০ চনৰ আটাইতকৈ বেছি ব্যৱসায় কৰা অসমীয়া ছবি হয় আৰু বৰ্তমান আটাইতকৈ বেছি ব্যৱসায় কৰা অসমীয়া ছবিৰ তালিকাত চতুৰ্দশ স্থানত আছে।

২০০০ দশকৰ আৰম্ভণিতে অসমীয়া চলচ্চিত্ৰ উদ্যোগক পুনৰুজ্জীৱিত কৰাৰ কৃতিত্ব ইয়াৰ ব্যৱসায়িক সাফল্যক দিয়া হয়, আৰু এই ছবিয়েই জুবিন গাৰ্গক এগৰাকী অগ্ৰণী চলচ্চিত্ৰ সংগীত পৰিচালক হিচাপে প্ৰতিষ্ঠা কৰে।