নৰকাসুৰ

ছবিখনত প্ৰাগজ্যোতিষপুৰৰ অসুৰ ৰজা নৰকাসুৰৰ কিংবদন্তীক নাট্যৰূপ দিয়া হৈছে। কাহিনীত বীৰ ঘটোৎকচ আৰু বাণৰজাৰো কথা আছে।

নিপ বৰুৱাই অতুলচন্দ্ৰ হাজৰিকাৰ নাটকখনৰ আধাৰত ছবিখন পৰিচালনা কৰে। সংগীত পৰিচালনা ব্ৰজেন বৰুৱাৰ; কণ্ঠদান কৰিছিল ব্ৰজেন বৰুৱা, তৰুলতা দাস, মিনু দাস, মীৰা চেতাৰ্জী আৰু আন বহুতে। আমাৰ তথ্যত থকা অভিনেতা-অভিনেত্ৰীসকল ফণী শৰ্মা, ইভা আচাও আৰু জ্ঞানদা কাকতি।

নৰকাসুৰৰ এটা প্ৰিণ্ট ছবি পৰিবেশক সদা চৌধুৰীৰ হাতত আছে, কিন্তু সেই প্ৰিণ্টত ছবিখনৰ দুটা জনপ্ৰিয় গীত নাই। এই প্ৰিণ্টটোকে গুৱাহাটী দূৰদৰ্শনত দেখুওৱা হৈছিল।