তৰা (অসমীয়া চলচ্চিত্ৰ)

অসমৰ এখন গাঁৱৰ দুটা ওচৰ-চুবুৰীয়া পৰিয়ালৰ মাজত অতি সুসম্পৰ্ক। তৰা সাত বছৰীয়া ছোৱালী, দেউতাক পূৰ্ণ আৰু মাকৰ জোনাকীৰ সৈতে থাকে। আনপিনে নবা আৰু দবা ভাইটি, তেওঁলোকে ৰোগত পৰি শয্যাশায়ী মাকক চোৱা-চিতা কৰে। এদিন এটুকুৰা মাটি লৈ বিবাদ লাগে। ডাঙৰসকলে কাজিয়া কৰি থকাৰ মাজতে তৰাৰ মাততহে বিষয়টো মীমাংসা কৰিব পাৰে।

ভাৰতীয় শিশু চলচ্চিত্ৰ সমিতিৰ হৈ বৰুৱাই ছবিখনৰ কাহিনী লিখে আৰু পৰিচালনা কৰে। অভিনেতা-অভিনেত্ৰীৰ তালিকাত আছে মৃগাক্ষী, অনুপ হাজৰিকা, ইন্দ্ৰাণী চেতিয়া, প্ৰতিভা চৌধুৰী, অতুল পাচনী, দীনা বৈশ্য, অবতোষ ভূঞা, সুকন্যা খাৰঘৰীয়া আৰু অৰুণ হাজৰিকা।

৫১ সংখ্যক ৰাষ্ট্ৰীয় চলচ্চিত্ৰ বঁটা বিতৰণীত ছবিখনে শ্ৰেষ্ঠ শিশু চলচ্চিত্ৰৰ ৰাষ্ট্ৰীয় বঁটা লাভ কৰে। ২০০৪ চনৰ ১৯ আগষ্টত বৰুৱাই ছবিখন স্বাধীনতা দিৱসত ঘটা ধেমাজি বিস্ফোৰণত নিহত শিশুসকলক উৎসৰ্গা কৰে।