জানমণি

ঢুলীয়া ডেকা জান আৰু নাচনী মণিৰ মাজত প্ৰেম হয়, কিন্তু মণিৰ ককায়েকে বিয়ালৈ সন্মতি নিদিয়ে। মণিয়ে জানৰ ঘৰলৈ গুচি আহে আৰু দুয়ো বিয়া হয়, পিছত তেওঁলোকৰ এজনী কন্যা সন্তান জন্মে। এদিন জানে ঢোল বজাবলৈ যাওঁতে কন্যাজনীৰ মৃত্যু হয়, আৰু ককায়েকে জানক উদাসীন বুলি দোষ দি মণিক নিজৰ ঘৰলৈ লৈ যায়।

অৱশেষত মণিৰ ভতীজাক (উৎপল দাস) আৰু জানৰ ভতীজিৰ মাজত প্ৰেম হোৱাত জান আৰু মণিৰ পুনৰ মিলন ঘটে।

এন কে প্ৰডাকচনৰ হৈ দেৱ বৰকটকীয়ে প্ৰযোজনা কৰা ছবিখনৰ পৰিচালনা ৰাজেশ ভূঞাৰ। মুখ্য ভূমিকাত যতীন বৰা (জান), শ্যামন্তিকা শৰ্মা (মণি), উৎপল দাস, মুনমী কলিতা আৰু অৰুণ হাজৰিকা। লগতে আছে মিণু বনিয়া, শ্ৰীমন্ত মাধৱ দত্ত, সৌৰভ হাজৰিকা আৰু মিছ কল্পনা।

সংগীত পৰিচালনা দিগন্ত ভাৰতী, মৌচম গগৈ, বিমান বৰুৱা আৰু বিপিন চাউদাঙৰ, আৰু সংগীত ব্যৱস্থাপনা অৰূপ দত্ত আৰু বিমান বৰুৱাৰ।