ৰ’দ্

অংকিত হিমাচল প্ৰদেশৰ মানালীত দেউতাকৰ সৈতে থকা এটা মধ্যবিত্ত পৰিয়ালৰ যুৱক, চাকৰিৰ সূত্ৰে তেওঁলোক তাতে আছে। তেওঁ সেই ঠাইৰে এজন ধনী ব্যক্তিৰ একমাত্ৰ জীয়ৰী পূজাক ভাল পায়। নতুন প্ৰজন্মৰ প্ৰেম, বিচ্ছেদ আৰু সংঘাত ছবিখনত দেখুওৱা হৈছে, আৰু জীৱনত অংকিতে বহু প্ৰত্যাহ্বানৰ সন্মুখীন হ'ব লগা হয়।

ছবিখনৰ প্ৰায় ৪০ শতাংশ দৃশ্যগ্ৰহণ মানালী আৰু নতুন দিল্লীত কৰা হৈছে। বাকী অংশ গুৱাহাটী, শ্বিলং আৰু চেৰাপুঞ্জীত তোলা হয়।

এম বি প্ৰডাকশ্যনৰ বেনাৰত মৌচুমী বৰদলৈয়ে ছবিখন প্ৰযোজনা কৰিছে, মুখ্য পৰিকল্পনাকাৰী তপন বৰদলৈ। কাহিনী আৰু স্ক্ৰীনপ্লে' গৌতম বৰুৱাৰ, স্ক্ৰীপ্ট লিখিছে চিৰন্তন মহন্ত, অসীম কৃষ্ণ আৰু ৰূপম দত্তই। ছবিখন কেনন ফাইভ কেমেৰাৰে ৩৫ মিলিমিটাৰত গ্ৰহণ কৰা হৈছে; চিনেমাট'গ্ৰাফীৰ কাম বিশ্বভূষণ মহাপাত্ৰ (মুম্বাই), বিপুল দাস আৰু প্ৰদীপ দৈমাৰীৰ।

সংগীত পৰিচালনা কৰিছে যতীন শৰ্মাই, গীতৰ কথা ৰাজদ্বীপ, জনঞ্জয় শইকীয়া আৰু মানস মহন্তৰ।

মুখ্য ভূমিকাত আছে উৎপল দাস, দিগন্ত হাজৰিকা, মুনমী ফুকন আৰু নৱাগতা মনালী বৰদলৈ। অন্য শিল্পীসকলৰ ভিতৰত জয়ন্ত ভাগৱতী, হিৰণ্য ডেকা, তপন বৰদলৈ, ভগৱত প্ৰীতম, পদ্মৰাগ গোস্বামী আৰু শিশু শিল্পী অৰিন্দম বৰদলৈ আৰু গাৰ্গী শৰ্মা।