পিতা-পুত্ৰ

অভিনন্দন চলিহা এসময়ত আদৰ্শবান মানুহ আছিল। কিন্তু টকাৰ অভাৱত কিশোৰ পুত্ৰৰ মৃত্যু হোৱাৰ পিছত তেওঁ দুৰ্নীতিৰ বাটত খোজ লয় আৰু কম সময়তে ধনী আৰু প্ৰভাৱশালী হৈ পৰে।

তেওঁৰ জীয়াই থকা আনজন পুত্ৰ মানৱ কিন্তু আগৰ অভিনন্দন চলিহাৰ প্ৰতিৰূপ। মানৱে দুৰ্নীতিৰ বিৰুদ্ধে সংগ্ৰামত জঁপিয়াই পৰে আৰু এখন নিকা সমাজ গঢ়াৰ উদ্দেশ্যে বন্ধুসকলৰ সৈতে অংকুৰ নামৰ বাতৰি কাকত প্ৰকাশ কৰে।

এই কাকতখনকে কেন্দ্ৰ কৰি পিতা-পুত্ৰৰ মাজত সংঘাত আৰম্ভ হয়, আৰু সেই সংঘাতেই ছবিখনৰ চালিকা শক্তি।

কাহিনীটো অমূল্য কাকতিৰ অংকুৰ গল্পৰ পৰা লোৱা। সংগীত পৰিচালনা ভূপেন উজীৰৰ আৰু গীতিকাৰ হেমন্ত দত্ত; ছবিখনত মুঠ ছটা গীত আছে। মূল ভূমিকাত অভিনয় কৰিছে বিজু ফুকন আৰু প্ৰাঞ্জল শইকীয়াই। ছবিখন সংলাপপ্ৰধান।