কন্যাদান

বকুলপুৰ নামৰ ঠাইৰ এটা যৌথ পৰিয়ালৰ আধাৰত কাহিনীটো গঢ় লৈ উঠিছে। পৰিয়ালটোৰ কনিষ্ঠ পুত্ৰ উৎপল (যতীন বৰা) নগৰৰ চহকী পটভূমিৰ এজনী ছোৱালীৰ প্ৰেমত পৰে। তেওঁৰ তিনিজন ভায়েক আৰু তিনিগৰাকী বৌয়েক আছে। ছোৱালীজনীৰ প্ৰতি তেওঁৰ আকৰ্ষণৰ কথা বৌয়েকহঁতে জানে, কিন্তু ককায়েকহঁতে সেই বিষয়ে অৱগত নহয়।

ছবিখন মধ্যবিত্তীয় পটভূমিৰ এটা সাধাৰণ পৰিয়ালক তুলি ধৰা সামাজিক ছবি।

মুনিন বৰুৱাই ছবিখন লিখি পৰিচালনা কৰে, প্ৰযোজক চি এছ নাৰায়ণ আৰু স্বৰাজ দাস। মুখ্য চৰিত্ৰত অভিনয় কৰে যতীন বৰা, মৃদুলা বৰুৱা, ভাস্কৰ বৰা, পূৰবী শৰ্মা, মাধুৰীমা চৌধুৰী আৰু ঋতুপৰ্ণা কটকীয়ে।

সংগীত পৰিচালনা জুবিন গাৰ্গৰ। গীতিকাৰ আছিল জুবিন গাৰ্গ, দিগন্ত ভাৰতী আৰু মানস ৰবীন। কণ্ঠশিল্পীসকলৰ ভিতৰত আছিল জুবিন গাৰ্গ, কল্পনা পাটোৱাৰী, মহালক্ষ্মী আয়াৰ, শাশ্বতী ফুকন, নিৰ্মালী দাস, মিতালী বৰকটকী, জংকী বৰঠাকুৰ আৰু মানস ৰবীন। মুঠ ছটা গীতৰ প্ৰায় সকলোবোৰেই যথেষ্ট জনপ্ৰিয় হয়।