দ্য গৱৰ্ণমেণ্ট ছাৰ্ভেণ্ট (২০২৩ চলচ্চিত্ৰ)

কাহিনীৰ পটভূমি যাদু-মন্ত্ৰৰ ঠাই বুলি খ্যাত মায়ং। মধ্যবয়সীয়া অৰ্ণৱ বৰা (কপিল বৰা)ই তাত ৰাজহ বিষয়াৰূপে নিযুক্তি পায়। ঠাইখনৰ সৌন্দৰ্যই তেওঁৰ মন কাঢ়ি নিয়ে আৰু তেওঁ এজন চহা লোকৰ পত্নী বীণাক লগ পায়। পিছলৈ দুয়োৰে মাজত গোপন প্ৰেমৰ সম্পৰ্ক গঢ়ি উঠে।

অন্ধবিশ্বাসে আবৃত ঠাইখনত অৰ্ণৱে আধুনিকতা আনিবলৈ চেষ্টা কৰে, কিন্তু গাঁওবাসীয়ে প্ৰাচীন পৰম্পৰা এৰিব নোৱাৰে। এনেতে বীণাই বহুদিন লুকুৱাই ৰখা এটা অসুখত মৃত্যুবৰণ কৰে আৰু অৰ্ণৱৰ তাত থকাৰ ইচ্ছা নোহোৱা হয়।

ছবিখন পৰিচালনা কৰিছে প্ৰদ্যুৎ কুমাৰ ডেকাই আৰু তেওঁ জয়ন্ত মাধৱ বৰাৰ লগত যুটীয়াভাৱে ইয়াক ৰচনা কৰিছে। চিত্ৰগ্ৰহণ কৰা হৈছিল মায়ঙত।

২০২৩ চনৰ ২৪ মাৰ্চত উত্তৰ-পূব চলচ্চিত্ৰ মহোৎসৱত ছবিখন মুক্তি দিয়া হয়।