কোঁৱৰপুৰৰ কোঁৱৰ

এজন সহজ-সৰল যুৱক কুসঙ্গত পৰি চুৰ কৰিবলৈ ধৰে। কিন্তু হঠাতে প্ৰেমত পৰি যোৱাত তেওঁৰ জীৱনলৈ পৰিৱৰ্তন আহিবলৈ লয়। তাৰ পাছতে প্ৰকাশ পায় যে নায়কৰ অতীতে নায়িকাৰ পৰিয়ালত কেনেকৈ আন্ধাৰ নমাই আনিছিল। আনফালে গাঁৱৰ ৰাইজে ঠগ ৰাজনৈতিক নেতা আৰু ঠিকাদাৰৰ বিৰুদ্ধে থিয় দিয়ে।

ছবিখনৰ প্ৰযোজনা ৰ'জী ভূঞা আৰু নয়ন নীলিমৰ। দৃশ্যগ্ৰহণ গুৱাহাটী, শ্বিলং আদি ঠাইত কৰা হৈছিল। সংগীত পৰিচালনা পৰাণ বৰকটকীৰ, গীত ইবছন লাল বৰুৱাৰ, আৰু গীতসমূহত কণ্ঠদান কৰিছে জুবিন গাৰ্গ, পাপন, জয় বৰুৱা, সুবাসনা দত্ত, পম্পী গগৈ আৰু নয়ন নীলিমে।

দুই মুখ্য শিল্পীৰ উপৰি উৎপল দাস, অমৃতা গগৈ, ৰীনা বৰা, বিষ্ণু খাৰঘৰীয়া, সিদ্ধাৰ্থ শৰ্মা, নিপন গোস্বামী আৰু সৌৰভ হাজৰিকাই অভিনয় কৰিছে।