গ্ৰহণ

ছবিখনৰ কাহিনী ৰোমাণ্টিক। প্ৰেম, বন্ধুত্বৰ দৰে সম্পৰ্কত হোৱা ভুল বুজাবুজিয়ে কেনেকৈ মানুহৰ মনত প্ৰতিশোধৰ ভাৱ আৰু অপৰাধৰ প্ৰৱণতা জন্মাই জীৱনলৈ আন্ধাৰ মাতি আনিব পাৰে, তাকেই ইয়াত দেখুওৱা হৈছে।

বি এম চি মেডিয়া প্ৰডাক্‌চনৰ বেনাৰত নিৰ্মিত ছবিখনৰ প্ৰযোজক এম চৌধুৰী, সহ প্ৰযোজক ৰিদিপ দাস আৰু পৰিচালক তিলক শৰ্মা। কাহিনী বিলকিচ মজুমদাৰৰ, চিত্ৰনাট্য আৰু সংলাপ লিজা পেগুৰ। চিত্ৰগ্ৰহণ আৰু সম্পাদনা ৰাজীৱ শইকীয়াৰ আৰু নৃত্য নিৰ্দেশনা মিতুপৰ্ণ চক্ৰৱৰ্তীৰ।

দিগন্ত হাজৰিকা আৰু ফাৰহিন চৌধুৰী মুখ্য ভূমিকাত, লগতে বাবি বৰুৱা, পংকজ পূজাৰী আৰু প্ৰিয়াংক কাকতিয়ে অভিনয় কৰিছে। আইটেম গীতত নীল দাস আৰু পাৰবিন চুলতানা আছে।

সংগীত পৰিচালক ৰিদিপ দাস। গীত লিখিছে হীৰেন ভট্টাচাৰ্য ('ফুলে শেৱালি'), ৰিদিপ দাস আৰু সুবিল বাৰ্গে। ছাউণ্ড মিক্সিং দিগন্ত বৰদলৈৰ, আৰু গীতসমূহত কণ্ঠ দিছে মহালক্ষ্মী আয়াৰ, ৰিদিপ দাস আৰু পলী শইকীয়াই।