দাগ

দুই ভাতৃয়ে নজনাকৈ একেগৰাকী ছোৱালীৰ প্ৰেমত পৰে। তাৰ পিছতেই নানা ঘাত-প্ৰতিঘাত আৰু প্ৰতিশোধৰ মাজেৰে ছবিখনৰ কাহিনী আগবাঢ়ে।

অৱশেষত জ্যেষ্ঠ ভাতৃয়ে কনিষ্ঠ ভাতৃৰ বাবে নিজকে ত্যাগ কৰে।

ছবিখন পৰিচালনা কৰিছিল মুনিন বৰুৱাই আৰু প্ৰযোজনা কৰিছিল নীলোৎপল চৌধুৰীয়ে। সংগীত পৰিচালনা কৰিছিল জুবিন গাৰ্গে আৰু গীত লিখিছিল জুবিন গাৰ্গ আৰু দিগন্ত ভাৰতীয়ে। গীতসমূহত কণ্ঠদান কৰিছিল জুবিন গাৰ্গ, শাশ্বতী ফুকন, ৰূপজ্যোতি দেৱী, মহালক্ষ্মী আয়াৰ, জংকী বৰঠাকুৰ আৰু দিগন্ত ভাৰতীয়ে।

শৈশৱৰ স্মৃতিৰ গীতটো জুবিন গাৰ্গ আৰু দিগন্ত ভাৰতীয়ে একেলগে গোৱা প্ৰথম গীত, আৰু এই ছবিৰ জৰিয়তে দিগন্তই নেপথ্য কণ্ঠশিল্পী হিচাপে আত্মপ্ৰকাশ কৰে। এলবামৰ ৮ আৰু ৯ নম্বৰ ট্ৰেক দুটা বোনাচ ট্ৰেক, যিবোৰ ছবিত ব্যৱহাৰ কৰা হোৱা নাই।

ছবিখনত প্ৰাঞ্জল শইকীয়া, মৃদুলা বৰুৱা, নিপন গোস্বামী, পূৰ্ণিমা শইকীয়া, অৰুণ নাথ, অৰুণ হাজৰিকা আৰু চেতনা দাসেও অভিনয় কৰিছিল।

ছবিখনৰ গীতবোৰ চিৰসেউজ আৰু আজিও যথেষ্ট জনপ্ৰিয়।