সন্তান

ছবিখনত সঠিক নিৰ্দেশনাৰ অভাৱ আৰু অনিশ্চিত ভৱিষ্যতে অস্থিৰ কৰি তোলা যুৱসমাজৰ চিত্ৰ তুলি ধৰা হৈছে। সন্তানসকলক উপযুক্ত নাগৰিক কৰি গঢ়ি তুলিবলৈ সুস্থ অৰ্থনৈতিক আৰু সামাজিক পৰিবেশৰ প্ৰয়োজন, আৰু সেই পৰিবেশ গঢ়াত সকলোৰে কম-বেছি দায়িত্ব আছে বুলি ছবিখনে কয়।

বিধৱা ললিতাই মাতৃস্নেহৰ শক্তিৰে জীৱন, বিনয়হঁতৰ মানসিক বিভ্ৰান্তি দূৰ কৰিবলৈ চেষ্টা কৰে। তেওঁ সিহঁতক নিজহাতে শ্ৰম কৰি নতুন সমাজ গঢ়িবলৈ আহ্বান জনায়।

ছবিখন লাচিত চিত্ৰমৰ বেনাৰত নিৰ্মিত আৰু অমৰ পাঠকে পৰিচালনা কৰিছিল। সংলাপো তেওঁৰেই। শব্দগ্ৰহণত আছিল অৱনী চেতাৰ্জী, সৰোজ ইটালীয়া আৰু কালি দাস। সঙ্গীত পৰিচালনা প্ৰভাত শৰ্মাৰ, আৰু এইখনেই তেওঁৰ প্ৰথম মুক্তি পোৱা ছবি। ইয়াৰ আগতে অচ্যুত লহকৰৰ ব্লেকমানি ছবিত তেওঁ সঙ্গীত দিছিল যদিও সেইখন মুক্তি পোৱা নাছিল।