পাগলী

এজনী সহজ-সৰল গাঁৱলীয়া ছোৱালীয়ে ঘটনাৰ পাকচক্ৰত পৰি অদ্ভুত আচৰণ কৰিবলগীয়া হোৱাটোৱেই ছবিখনৰ কাহিনীৰ মূল ভাগ। দুটা পৃথক গেটআপত নায়িকাৰ ভূমিকাত অভিনয় কৰিছে প্ৰস্তুতি পৰাশৰে।

ৰূপজ্যোতি বৰাই ছবিখন পৰিচালনা কৰাৰ লগতে কাহিনী আৰু চিত্ৰনাট্য লিখিছে। প্ৰযোজনা কৰিছে প্ৰেমা দত্ত, বিশ্বেশ্বৰ দত্ত আৰু নিপ কোঁৱৰে। সহ প্ৰযোজক বীৰেন্দ্ৰ কুমাৰ দাস আৰু উদয় গগৈ। ছবিৰ নামৰ ইংৰাজী অৰ্থ হ’ল Mental।

গীতৰ সংগীত অৰূপ দত্তৰ আৰু আবহ সংগীত অনুৰাগ শইকীয়াৰ। গীত লিখিছে স্পন্দন, অনুপম শইকীয়া আৰু অজয় ফুকনে। নেপথ্যত কণ্ঠ দিছে জুবিন গাৰ্গ, কল্পনা পাটোৱাৰী, প্ৰিয়ংকা ভৰালী আৰু ৰোহিত সোণাৰে। নৃত্য নিৰ্দেশনা অসীম বৈশ্য আৰু ৰূপজ্যোতি বৰাৰ।

মুখ্য শিল্পীসকলৰ বাহিৰেও অভিনয় কৰিছে পৱিত্ৰপ্ৰাণ বৰা, প্ৰদীপ নিশীথ, ৰমেন তামুলী, অসীম বৈশ্য, ধ্ৰুৱ, বিশাল, কবিতা দুৱৰা আৰু লিজা নন্দিনীয়ে।