প্ৰস্তুতি পৰাশৰ

প্ৰস্তুতি পৰাশৰ (প্ৰস্তুতি পৰাশৰ নামেৰেও জনাজাত), জন্ম ১৫ ডিচেম্বৰ ১৯৮১, যোৰহাট, অসমীয়া চলচ্চিত্ৰ, দূৰদৰ্শন আৰু ভ্ৰাম্যমাণ থিয়েটাৰৰ এগৰাকী অভিনেত্ৰী। প্ৰায় পাঁচ বছৰ বয়সত গুৱাহাটী দূৰদৰ্শনৰ ‘বৰ্ণালী’ ধাৰাবাহিকেৰে তেওঁৰ অভিনয় জীৱন আৰম্ভ হয় আৰু ‘মহাৰথী’ (1999) আছিল তেওঁৰ প্ৰথম ছবি। তেওঁৰ পিতৃ বিজয় চন্দ্ৰ শৰ্মা জগন্নাথ বৰুৱা মহাবিদ্যালয়ৰ প্ৰাক্তন অধ্যক্ষ আছিল।

আমাৰ তথ্যভাণ্ডাৰত তেওঁৰ ছবিসমূহৰ ভিতৰত আছে ‘জীৱন নদীৰ দুটি পাৰ’ (2002), ‘হৃদয় কপোৱা গান’ (2004), ‘সুৰেন সুৰৰ পুতেক’ (2005), ‘ৰামধেনু’ (2011), ‘পাগলী’ আৰু ‘দূৰদৰ্শন এটি যন্ত্ৰ’ (2016) আৰু ‘মৃগনাভি’ (2017)। ‘গুণ গুণ গানে গানে’ ছবিৰ বাবে তেওঁ ৰাজ্যিক চলচ্চিত্ৰ বঁটা লাভ কৰে আৰু ২০০৮-০৯ বৰ্ষৰ মুনলাইট এৱাৰ্ডছত শ্ৰেষ্ঠ অভিনেত্ৰীৰ বাবে মনোনীত হয়। তেওঁ প্ৰায় ৩০-৩৫খন নাটকতো অভিনয় কৰিছে।