তুমি যদি কোৱা

কাহিনীটো নতুন প্ৰজন্মক কেন্দ্ৰ কৰি ৰচিত। এটা বেণ্ডত একেলগে গান গোৱা বন্ধুবৰ্গই সংগীতৰ জগতত প্ৰতিষ্ঠা লাভ কৰিবলৈ ওলায়, পথত নানা বাধাৰ সন্মুখীন হয় আৰু সেইবোৰ অতিক্ৰম কৰিবলৈ চেষ্টা কৰে।

চিম্পল গগৈয়ে ছবিখন পৰিচালনা কৰাৰ লগতে সংলাপ আৰু চিত্ৰনাট্যও লিখিছে, কাহিনী গৌতম ৰাভাৰ। জিতুমণি টেৰণে এল এন ফিল্মছৰ বেনাৰত ছবিখন প্ৰযোজনা কৰে। অভিনয়ত আছে প্ৰসেনজিত বৰা, জুপিতৰা ভূঞা, মুনমী কলিতা, মহিকা শৰ্মা, ৰূপম শৰ্মা, প্ৰিন্স, ভাস্কৰ ৰঞ্জন, ৰঞ্জন দত্ত আৰু কৃষ্ণ। ৰূপসজ্জাৰ দায়িত্বত আছিল আকাশ গগৈ, সুভাষ আৰু বিজয়েতা।

সংগীত পৰিচালনা কৰিছে চন্দন বেজবৰুৱাই, আৰু গীতবোৰ গাইছে জুবিন গাৰ্গ, অনন্যা, দীক্ষু আদিয়ে। ছবিখন ২০১৩ চনৰ ১৪ জুনত মুক্তি পায়।