প্ৰথম ৰাগিনী

ইঞ্জিনিয়াৰ মৃদুপৱন বৰুৱাই উজনি অসমৰ ঘৰত নৱবিবাহিতা পত্নী লতিকাক এৰি থৈ শ্বিলঙলৈ আহি এটা প্ৰাইভেট কোম্পানীত চাকৰি কৰে। শ্বিলঙত থাকিবলৈ ঘৰ বন্দোবস্ত হ'লেই পত্নীক লৈ যাম বুলি তেওঁ কথা দিয়ে।

তাত মৃদুপৱনে মিনি এণ্ড্ৰিউজ বৰবৰা নামৰ খ্ৰীষ্টান ছোৱালী এজনীক লগ পায়। মিনিয়ে স্কুল শিক্ষয়ত্ৰী বায়েক ৰুথৰ লগত থাকি কলেজত পঢ়িছিল। কিছুদিনৰ ভিতৰতে দুয়োৰো মাজত প্ৰেম গঢ় লৈ উঠে, কিন্তু মিনিয়ে নাজানিছিল যে মানুহজন বিবাহিত।

এদিন মৃদুপৱনে লতিকাৰ চিঠি এখন পায়, য'ত পত্নীয়ে তেওঁৰ পূৰ্বৰ প্ৰতিশ্ৰুতিৰ কথা সোঁৱৰাই দিয়ে। তেওঁৰ অনুপস্থিতিত লতিকা আৰু মিনিৰ দেখা হয় আৰু সকলো গোপন কথা প্ৰকাশ পায়। মিনিৰ সপোন ধূলিসাৎ হয়। যন্ত্ৰণাৰ পৰা মুক্তি পাবলৈ তাই নাৰ্চৰ কামত যোগ দিয়াৰ সিদ্ধান্ত লয়, যাতে তাইৰ দৰে দুখী মানুহক সহায় কৰিব পাৰে।

ছবিখন ট্ৰেঞ্চ এচিয়া ফিল্মছ ৮৬ৰ বেনাৰত নিৰ্মিত। ৰমা দাশৰ অচল টকা গল্পৰ আধাৰত গৌতম বৰা আৰু মহম্মদ চাদুল্লাই চিত্ৰনাট্য ৰচনা কৰে। সংলাপ পদ্ম বৰকটকীৰ, গীতিকাৰ কীৰ্তিকমল ভূঞা, কণ্ঠ মালৱিকা বৰাৰ আৰু শব্দগ্ৰহণ অনুপ মুখোপধ্যায়ৰ।

ছবিখন ১৯৮৭ চনৰ ২ অক্টোবৰত মুক্তি পায়।

১৯৮৭ চনৰ ৩৫তম ৰাষ্ট্ৰীয় চলচ্চিত্ৰ মহোৎসৱত প্ৰথম ৰাগিনীয়ে অসমীয়া ভাষাৰ শ্ৰেষ্ঠ ছবিৰ ৰজত কমল লাভ কৰে। নিৰ্মাতা সুৰেন্দ্ৰ নাথ বৰাই ৰজত কমলৰ সৈতে ২০,০০০ টকা আৰু পৰিচালক ধীৰু ভূঞাই ৰজত কমলৰ সৈতে ১০,০০০ টকা লাভ কৰে।