মৃগনাভি

ছবিখনত নৈতিক আৰু মূল্যবোধৰ জীৱনৰ প্ৰতি আকুলতা আৰু এখন স্খলিত সমাজৰ মাজৰ সংঘাত দেখুওৱা হৈছে, য'ত এখন সুকোমল মন ছিন্ন-ভিন্ন হৈ পৰে। কাহিনীৰ নায়িকা সোণতৰাৰ বিয়া হয় এজন ধনী কিন্তু নষ্ট চৰিত্ৰৰ চাহ ব্যৱসায়ীৰ লগত। বিয়াৰ পিছত তেওঁ উপলব্ধি কৰে যে নিজৰ বুলিবলৈ তেওঁৰ কোনো স্বাধীনতাই নাই।

শেষত সোণতৰাই এগৰাকী নাৰীয়ে সন্মুখীন হোৱা বাধা-বিঘিনিবোৰ অতিক্ৰম কৰি নিজৰ পক্ষে থিয় দিয়ে আৰু বন্দীত্বৰ সঁজা ভাঙি পেলাবলৈ সক্ষম হয়।

পৰিচালক হেমেন দাসে ১৯ বছৰ আগতে উপন্যাসখন পঢ়িছিল আৰু তেতিয়াৰ পৰাই ইয়াক চিত্ৰৰূপ দিয়াৰ কথা ভাবিছিল। অৰূপা পটংগীয়া কলিতাই ছবিৰ কাহিনী যোগান ধৰে আৰু হেমেন দাসে চিত্ৰনাট্য ৰচনা কৰে। সংগীত পৰিচালনা তৰালি শৰ্মাৰ আৰু মুখ্য সহযোগী পৰিচালক নাৰায়ণ শীল।

অভিনয় শিল্পীসকলৰ ভিতৰত আছে প্ৰস্তুতি পৰাশৰ, ৰাজীৱ গোস্বামী, মাধুৰীমা চৌধুৰী, নিপন গোস্বামী, বীণা বাৰুৱতী, দিয়া বৰা, গৌৰীশংকৰ দাস, জোৱান দত্ত, কৃষ্ণ ফুকন, লনিশ্ৰী দাস আৰু নীলু চক্ৰৱৰ্তী।