কৰমা কে ৰাতি

ছবিখনৰ অধিকাংশ দৃশ্য অসমৰ চেপনৰ এখন চাহবাগিছাত ঘটিছে। আদৰ্শবাদী শিক্ষক সাগৰে শিক্ষাৰ জৰিয়তে দুৰ্নীতিগ্ৰস্ত বিষয়াসকলৰ বিৰুদ্ধে যুঁজিবলৈ একাংশ যুৱকক নেতৃত্ব দিয়ে, এয়াই কাহিনীৰ মূল সূত্ৰ। কৰম উৎসৱৰ প্ৰধান আকৰ্ষণ ঝুমুৰ গীত এটাক কেন্দ্ৰ কৰিয়েই ছবিখনৰ চৰম মুহূৰ্ত ৰচিত হৈছে।

জয়ন্ত নাথে ছবিখন পৰিচালনা কৰাৰ উপৰি সংগীতো দিছে। আইমী বৰুৱা, বিষ্ণু খাৰঘৰীয়া, ৰাজকুমাৰ, ৰিম্পী দাস, প্ৰিন্স, তৃষ্ণা কুৰ্মী আৰু লবিন দাস আদি ইয়াৰ শিল্পী। সংলাপত অসমীয়াৰ লগতে চাহ জনগোষ্ঠীৰ সাধাৰণ ভাষা ছাদ্ৰী ব্যৱহাৰ কৰা হৈছে। ছবিখনৰ দৈৰ্ঘ্য ১৩০ মিনিট আৰু ইয়াক ২০১৩ চনৰ ১২ জুলাইত মুক্তি দিয়া হয়।

ছবিখনে প্ৰাগ চিনে অ’ৱাৰ্ড ২০১৪ত অসমীয়া ব্যতিৰেকে অন্য ভাষাৰ শ্ৰেষ্ঠ ছবিৰ বঁটা আৰু মুনলাইট মিডিয়া অ’ৱাৰ্ডত শ্ৰেষ্ঠ সংগীত পৰিচালকৰ বঁটা লাভ কৰে।