কনকলতা

ছবিখনৰ কাহিনী ১৯৪২ চনৰ শ্বহীদ কনকলতাৰ জীৱনৰ ওপৰত আধাৰিত, যিগৰাকীৰ জন্ম গহপুৰৰ ওচৰৰ বৰঙাবাৰীত। কাহিনী ৰচনা কৰিছিল ভবেন বৰুৱাই।

কুন্তলা ডেকাই পৰিচালনা কৰা এই ছবিখন লাচিত চিত্ৰমৰ বেনাৰত নিৰ্মিত, প্ৰযোজক দিলীপ ডেকা আৰু কুন্তলা ডেকা। শব্দগ্ৰহণত আছিল পীযুষ কান্তি ৰয়। ১৯৯০ চনৰ ৩ ফেব্ৰুৱাৰীত গুৱাহাটীৰ এখন চিত্ৰগৃহত ছবিখনৰ প্ৰিমিয়াৰ শ্বো হয়। এটা ভিডিঅ’ত পৰিচালকগৰাকীয়ে কয় যে ছবিখন নিৰ্মাণ কৰোঁতে প্ৰায় পাঁচ বছৰ সময় লাগিছিল।

ছবিখনত জ্যোতিপ্ৰসাদ আগৰৱালাৰ কেইটামান গীত ব্যৱহাৰ কৰা হৈছে, যিবোৰ সমবেত কণ্ঠত গাইছে সন্ধ্যা মেনন, কুইন দাস আদিয়ে। সংগীত পৰিচালক অনুপম চৌধুৰী।