বুলু ফিল্ম

কৰ’না সংক্ৰমণ ৰোধ কৰিবলৈ চৰকাৰে ঘোষণা কৰা লকডাউনে সমগ্ৰ দেশৰ লগতে নামনি অসমৰ এখন সাধাৰণ গাঁৱকো বিপৰ্যস্ত কৰে। গাঁৱৰে তিনিজন যুৱকে সংস্থাপন হেৰুৱায়। সময় যোৱাৰ লগে লগে তিনিওৰে ঘৰত অভাৱ ভয়ংকৰ হৈ উঠাত তেওঁলোকে উপাৰ্জনৰ বিকল্প বিচাৰে আৰু অৱশেষত গাঁৱতে ব্লু-ফিল্ম নিৰ্মাণৰ পৰিকল্পনা কৰে।

সেই ছবি ইণ্টাৰনেটত আপলোড কৰি অজস্ৰ ধন উপাৰ্জনৰ সপোন দেখা তিনিওজন যুৱকে শেষত এক অভাৱনীয় বাস্তৱৰ মুখামুখি হয়।

গুৱেৰ্নিকা ক্ৰিয়েটোভিষ্টাৰ বেনাৰত নিৰ্মিত ছবিখন পৰিচালনা কৰিছে ৰাষ্ট্ৰীয় নাট্য বিদ্যালয়ৰ প্ৰাক্তন শিক্ষাৰ্থী হিমাংশু প্ৰসাদ দাসে। তেওঁ ছবিখনৰ এটা মুখ্য ভূমিকাতো অভিনয় কৰিছে।