পাৰঘাট

ছবিখনৰ কাহিনী ব্ৰিটিছৰ দিনৰ চোৰাং কানি বেপাৰৰ ওপৰত আধাৰিত।

পাৰঘাট প্ৰমথৰাম দাসৰ প্ৰাগজ্যোতিষ কলাচিত্ৰ প্ৰতিষ্ঠানৰ সপ্তম অসমীয়া ছবি। প্ৰবীন ফুকনে ছবিখনৰ পৰিচালনা আৰু কাহিনী ৰচনা কৰিছিল। চিত্ৰগ্ৰহণ হৈছিল কলকাতাৰ ইন্দ্ৰপুৰী ষ্টুডিঅ’ত। পুৰুষোত্তম দাসে গন্ধৰ্ব নামেৰে ছবিখনৰ সঙ্গীত পৰিচালনা কৰিছিল।

অভিনয়ত আছিল চন্দ্ৰকান্ত ফুকন, প্ৰবীণ ফুকন, সৰ্বেশ্বৰ চক্ৰৱৰ্তী (মৌজাদাৰ), যোগেন্দ্ৰনাথ বৰদলৈ (দোকানী), ভুৱনেশ্বৰ বুজৰবৰুৱা (লগুৱা), যোগেন্দ্ৰনাথ বৰকাকতি (কৃষ্ণ মণ্ডল), জ্ঞানদা কাকতি আৰু মলয়া দাস।

অসমীয়া চলচ্চিত্ৰ জগতত আগতীয়া টিকট বুকিঙৰ ব্যৱস্থা থকা প্ৰথমখন ছবি হিচাপে পাৰঘাটক গণ্য কৰা হয়। এই ছবিৰ যোগেদিয়েই অভিনেত্ৰী জ্ঞানদা কাকতিয়ে ছবিজগতত প্ৰথম খোজ পেলাইছিল।