অনিৰ্বাণ

পৰিচালক হিচাপে ভবেন্দ্ৰ নাথ শইকীয়াৰ দ্বিতীয় ছবি অনিৰ্বাণ। তেওঁৰ অন্য ছবিবোৰৰ দৰে ইয়াৰো কাহিনী তেওঁৰ নিজৰে এটা চুটিগল্পৰ পৰা লোৱা, এইবাৰ ১৯৬০ চনত ৰচিত প্ৰহৰী। পৰিচালনাৰ উপৰিও তেওঁ চিত্ৰনাট্য আৰু সংলাপো লিখিছিল। প্ৰযোজক আছিল তেওঁৰ পত্নী প্ৰীতি শইকীয়া। ছবিখনত কোনো গীত নাছিল আৰু ই ক'লা-বগাত তোলা।

অভিনয়ত আছিল ভোলা কটকী, ৰুণু গোস্বামী, সংগীতা শইকীয়া, আনন্দ মোহন ভাগৱতী, উৎপল চক্ৰৱৰ্তী, হেমন্ত দত্ত, বিদ্যুত চক্ৰৱৰ্তী, ববিতা শৰ্মা, কামিনী বৰুৱা, ৰীতু দাস, অনন্ত গগৈ, ঈশান বৰুৱা আৰু চিৰন্তন হাজৰিকা। কাৰিকৰী সহকাৰী অৰুণ গুহ ঠাকুৰতা, সহকাৰী পৰিচালক গুণসিন্ধু হাজৰিকা আৰু মাণিক বৰা, শব্দযন্ত্ৰী পীযুষ কান্তি ৰয় আৰু ৰূপসজ্জাত দেবী হালদাৰ। ডাটাবেছ অনুসৰি ছবিখন ১৯৮১ চনৰ ৬ ফেব্ৰুৱাৰীত মুক্তি পায়।

১৯৮১ চনত অনিৰ্বাণে অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা (ৰজত কমল) লাভ কৰে।