অবুজ বেদনা

মহাবাহু চিনে এণ্টাৰপ্ৰাইজেছৰ বেনাৰত বিপুল বৰুৱাই ছবিখন প্ৰযোজনা কৰিছিল আৰু সংগীত দিলীপ শৰ্মাৰ। ছবিখন বছৰটোৰ শেষত ডিচেম্বৰ মাহত ছবিঘৰত প্ৰদৰ্শিত হৈছিল।

কেৰালাৰ থিৰুৱনন্তপুৰমত অনুষ্ঠিত আন্তৰ্জাতিক শিশু চলচ্চিত্ৰ মহোৎসৱত ছবিখন দেখুওৱা হয় আৰু ইয়াৰ হিন্দী ডাবিং দূৰদৰ্শনৰ ৰাষ্ট্ৰীয় কাৰ্যক্ৰমত প্ৰদৰ্শিত হয়। নয়নমণি ছবিৰ কাম কৰি থাকোঁতে পৰিচালক গুণসিন্ধু হাজৰিকা দুৰ্ঘটনাত পৰি দৃষ্টিশক্তি হেৰুৱায়। তথাপি আনৰ সহযোগত তেওঁ অবুজ বেদনা পৰিচালনা কৰে।