মোহিনী ৰাজকুমাৰী

মোহিনী, অর্থাৎ মোহিনী ৰাজকুমাৰী, আছিল আদিযুগৰ অসমীয়া চলচ্চিত্ৰৰ এগৰাকী অভিনেত্ৰী। বৰ্তমানৰ গোলাঘাট জিলাৰ মহুৰামুখৰ বাসিন্দা এইগৰাকী অসমৰ প্ৰথম মহিলা ঠিকাদাৰ হিচাপেও স্মৰণীয়। গেলাবিল নৈৰ মাছমহালৰ লেচী আৰু দোকান চলোৱাৰ লগতে তেওঁ মহুৰামুখৰ পৰা ৩৭ নং ৰাষ্ট্ৰীয় ঘাইপথ সংযোগী পথটো নিৰ্মাণ কৰিছিল।

প্ৰথম অসমীয়া ছবি জয়মতী নিৰ্মাণৰ সময়ত জ্যোতিপ্ৰসাদ আগৰৱালাই মহুৰামুখত তিনিগৰাকী অভিনেত্ৰী পায়: আইদেউ সন্দিকৈ, মোহিনী আৰু তেওঁৰ ভনীয়েক ব্ৰতেশ্বৰী। ভোলাগুৰি চাহবাগিছাত অস্থায়ীভাৱে পতা ষ্টুডিঅ'ত তোলা এই ছবিখনত মোহিনীয়ে ৰাজমাওৰ ভূমিকাত অভিনয় কৰে। প্ৰায় চাৰি দশক পাছত তেওঁ পদুম বৰুৱাৰ গংগা চিলনীৰ পাখি ছবিত নায়িকাৰ মাকৰ গুৰুত্বপূৰ্ণ চৰিত্ৰত অভিনয় কৰে; ১৯৭০ চনত শ্বুটিং আৰম্ভ হোৱা এই ছবি মুক্তি পায় ১৯৭৬ চনত। আমাৰ তথ্যভাণ্ডাৰত তেওঁক মনোমতী (১৯৪১) ছবিতো দেখুওৱা হৈছে। ১৯৫১ চনত তেওঁৰ মৃত্যু হয়।