Aei Maatite

অসমৰ গ্ৰাম্য সমাজত শিপাই থকা অন্ধবিশ্বাস আৰু বেজ-কবিৰাজৰ চক্ৰই নিজৰ স্বাৰ্থ সিদ্ধিৰ বাবে কেনেকৈ নিৰীহ মানুহক ডাইনী সজাই হত্যা কৰে, তাক ছবিখনত তুলি ধৰা হৈছে। এই উন্মাদনাৰ বিৰুদ্ধে থিয় দিয়ে এদল যুক্তিবাদী যুৱক আৰু সচেতন নাগৰিকে, যিয়ে বৈজ্ঞানিক মানসিকতাৰ প্ৰসাৰ ঘটাই অসহায় লোকসকলৰ জীৱন ৰক্ষা কৰিবলৈ সংগ্ৰাম চলায়।

অৱসৰপ্ৰাপ্ত অধ্যাপক ড° সীতানাথ লহকৰে ছবিখন প্ৰযোজনা আৰু পৰিচালনা কৰাৰ লগতে মুখ্য চৰিত্ৰতো অভিনয় কৰে। সংগীত পৰিচালনা বিভূৰঞ্জন চৌধুৰীৰ আৰু গীত ৰচনা লহকৰৰ। গীতসমূহত কণ্ঠ দিছে তৰালি শৰ্মা আৰু জিতেন বসুমতাৰীয়ে। অভিনয় শিল্পীসকলৰ ভিতৰত আছে ড° অমৰজ্যোতি চৌধুৰী, ৰূপম চেতিয়া, মণিষা গোস্বামী, মীনা ইংতি আৰু শশাংক সমীৰ।

২০১৭ চনৰ ৬ অক্টোবৰত মুক্তি পোৱা ছবিখনে সমাজকৰ্মী, শিক্ষাবিদ আৰু সমালোচকৰ ভূয়সী প্ৰশংসা লাভ কৰে।