অমৃতা গগৈ

অমৃতা গগৈ এগৰাকী অসমীয়া চলচ্চিত্ৰ আৰু দূৰদৰ্শনৰ অভিনেত্ৰী, যিগৰাকীয়ে ২০১৫ চনত অহেতুক ছবিৰে পৰ্দাত আত্মপ্ৰকাশ কৰে। ফিতাৰ তথ্যভাণ্ডাৰত কোঁৱৰপুৰৰ কোঁৱৰ, দূৰ আৰু সঁই গাঁৱৰ চম্পা (সকলোবোৰ ২০১৭), নিজানৰ গান (২০১৮), প্ৰতিঘাত আৰু এপাৰ সিপাৰ (দুয়োখন ২০১৯)তো তেওঁৰ নাম আছে।

শিৱসাগৰ জিলাত জন্ম লোৱা তেওঁ তিনি বছৰ বয়সৰ পৰা সত্ৰীয়া নৃত্যৰ প্ৰশিক্ষণ লয় আৰু ২০১০ চনত ৰং চেনেলৰ "মই অসম দেশৰ ছোৱালী" প্ৰতিযোগিতাত বিজয়ী হয়। ভিডিঅ' গীতৰ যোগেদি, বিশেষকৈ বাবু বৰুৱাৰ পেডেল মাৰি মাৰিৰ জৰিয়তে তেওঁ ব্যাপক জনপ্ৰিয়তা লাভ কৰে। ২০১৬-১৭ বৰ্ষত হেঙুল থিয়েটাৰেৰে তেওঁ ভ্ৰাম্যমাণ মঞ্চত অভিনয় জীৱনৰ পাতনি মেলে।