প্ৰেম জনমে জনমে

এয়া এহাল যুৱক-যুৱতীৰ প্ৰেমৰ কাহিনী। দুয়োৰো প্ৰেমৰ পথ সুন্দৰ, কিন্তু সেই পথতো কিছুমান কাঁইট লুকাই আছিল, যিয়ে দুয়োৰে জীৱন দুঃসহ কৰি তোলে। অৱশেষত কালৰাত্ৰিৰ অন্ত পৰে আৰু মিলনৰ ক্ষণ ওচৰ চাপে। কিন্তু সকলো কথাই কি মানুহে ভবাৰ দৰেই হয়, সেই প্ৰশ্নটো ছবিখনে তুলি ধৰে।

যাদৱ চন্দ্ৰ দাসে ছবিখন পৰিচালনা কৰিছে আৰু বি.এচ.বি. ফিল্মছ (অসম)ৰ বেনাৰত প্ৰযোজনা কৰিছে বিপুল কলিতাই। বিজয় শংকৰ, বিদ্যা ৰাও আৰু পৰেশ গোস্বামী ডেইজী ৰাজখোৱাই মূল ভূমিকাত অভিনয় কৰিছে।

সংগীত ৰিদীপ দত্তৰ। গীত লিখিছে যাদৱ চন্দ্ৰ ডেকা আৰু ললিত চন্দ্ৰ নাথে। কণ্ঠদান কৰিছে মহানন্দ মজিন্দাৰ বৰুৱা, ৰিদীপ দত্ত, দিলু হাজৰিকা, জোতিৰ্ময় দেৱনাথ, অনিমা চৌধুৰী, মিতালী চৌধুৰী আৰু সন্ধ্যা মেননে।