লাইফ ইন এ পাপেট

অসমৰ জনসমাজত চিনাকি পুতলা নাচ আধুনিক সময়ৰ লগে লগে অৱহেলিত হ’বলৈ ধৰিছে, যদিও ই প্ৰাচীন লোককলা হিচাপে পৰিচিত। এই কলাৰ লগত জড়িত অলপসংখ্যক শিল্পীয়ে আজিও ইয়াক জীয়াই ৰাখিবলৈ চেষ্টা কৰি আছে। সেই শিল্পীসকলৰ পৰিশ্ৰম, শিল্পবোধ আৰু সংগ্ৰামী সত্তাক পৰ্দাত তুলি ধৰাই ছবিখনৰ মূল কথা।

২০২০ চনৰ ডিচেম্বৰ মাহত ছবিখনে কেন্দ্ৰীয় ফিল্ম প্ৰমাণীকৰণ পৰ্ষদৰ প্ৰমাণপত্ৰ লাভ কৰে। ২০২১ চনৰ ২২ অক্টোবৰত অসমৰ দহখন চিত্ৰগৃহত ইয়াক মুক্তি দিয়া হয়। কোভিড-১৯ মহামাৰীৰ বাবে প্ৰায় ১৮ মাহ বন্ধ থকা চিত্ৰগৃহত মুক্তি পোৱা ই প্ৰথমখন অসমীয়া ছবি বুলি কোৱা হয়।

২০২১ চনৰ ২২ অক্টোবৰলৈকে ছবিখন বিশ্বৰ ২০খন চলচ্চিত্ৰ মহোৎসৱত প্ৰদৰ্শিত হৈছিল আৰু প্ৰায় ৩০টা শিতানত স্বীকৃতি লাভ কৰিছিল। ফ্ৰান্স, ইটালী, চিলি, গ্ৰেট ব্ৰিটেইন, চেক ৰিপাব্লিক, শ্লোভাকিয়া, ছুইডেন, আমেৰিকা যুক্তৰাষ্ট্ৰ আৰু ভাৰতৰ মহোৎসৱত ইয়াৰ অংশগ্ৰহণ আছিল। ইউনেস্ক’ৰ নতুন দিল্লী কাৰ্যালয়ে আয়োজন কৰা আন্তঃৰাষ্ট্ৰীয় চলচ্চিত্ৰ মহোৎসৱতো ছবিখনে মনোনয়ন লাভ কৰে।