গোলাই চোৰ

কাহিনীটো কুৰি শতিকাৰ পঞ্চাশৰ দশকৰ পৰা আৰম্ভ হৈ শেষৰ দশকলৈকে বিস্তৃত। দীগা চোৰ আৰু তেওঁৰ অধীনত গঢ় লোৱা চুৰিবিদ্যাৰ টোলখনেই ইয়াৰ মূল উপজীৱ্য। সেই টোলত শিকিবলৈ অহা গোলাপী আৰু তেওঁৰ সতীৰ্থসকলৰ জীৱনক লৈ কাহিনী আগবাঢ়ে।

ছবিখন যোৰহাটৰ এটা অঞ্চলৰ এটা সঁচা ঘটনাৰ আধাৰত নিৰ্মিত।

অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিত আৰু ঝেং এণ্টাৰটেইনমেণ্টৰ যৌথ প্ৰযোজনাত নিৰ্মিত ছবিখন পৰিচালনা কৰিছে ৰক্তিম কমল বৰুৱাই। ২০২২ চনতে দৃশ্যগ্ৰহণ আৰম্ভ হৈছিল যদিও কিছুমান কাৰণত মুক্তিত বিলম্ব হয়।

অভিনয়ত আছে কেনি বসুমতাৰী, টনী দেউৰী বসুমতাৰী, হিমাংশু গগৈ, বনী দেউৰী, জয়ন্ত ভাগৱতী, জয়ন্ত দাস, প্ৰতিভা চৌধুৰী, মৈত্ৰী দাস, বেদব্ৰত বৰা, সপ্তৰ্ষী গগৈ, নৱজ্যোতি নাথ, ৰূপাশ্ৰী ফুকন, মৃন্ময় শইকীয়া, বনদীপ শৰ্মা আৰু কুইন শিৱম। সম্পাদনা হিৰন্ময় গগৈৰ, কলা নিৰ্দেশনা অৰ্ণৱ স্বৰ্গীয়াৰীৰ আৰু ৰূপসজ্জা কমল তালুকদাৰৰ।

২০২৬ চনৰ ২৭ ফেব্ৰুৱাৰিত ঘোষিত ফিল্মফেয়াৰ অসমীয়া বঁটাত ছবিখনে আঠটা শাখাত বিজয়ী হয়: শ্ৰেষ্ঠ ছবি, শ্ৰেষ্ঠ পৰিচালক, শ্ৰেষ্ঠ কাহিনী আৰু শ্ৰেষ্ঠ সংলাপ (ৰক্তিম কমল বৰুৱা), শ্ৰেষ্ঠ মুখ্য অভিনেতা (হিমাংশু গগৈ), শ্ৰেষ্ঠ চিত্ৰনাট্য (মৃন্ময় শইকীয়া, আকাশদীপ ডেকা আৰু ৰক্তিম কমল বৰুৱা), শ্ৰেষ্ঠ প্ৰডাকচন ডিজাইন (অৰ্ণৱ স্বৰ্গীয়াৰী) আৰু শ্ৰেষ্ঠ সম্পাদনা (হিৰন্ময় গগৈ)।