চিম্পল গগৈ

চিম্পল গগৈ অসমৰ এগৰাকী চলচ্চিত্ৰ পৰিচালক, ১৯৭৬ চনত যোৰহাটত জন্ম। যোৰহাটৰ জগন্নাথ বৰুৱা মহাবিদ্যালয়ৰ পৰা স্নাতক হোৱাৰ পাছত ১৯৯৮ চনত তেওঁ ৰাছিয়ালৈ যায় আৰু মস্কো ষ্টেট ইউনিভাৰ্ছিটি অফ কালচাৰ এণ্ড আৰ্টছত বিজ্ঞাপন, সম্পাদনা আৰু পৰিচালনা শিকে। ২০০১ চনত উভতি আহি তেওঁ জি টিভিৰ এখন ধাৰাবাহিকত সহায়ক হিচাপে কাম কৰে আৰু গুৱাহাটীত মানস অধিকাৰীৰ সহায়ক হয়। ২০০২ চনৰ শেষৰফালে তেওঁ অসমীয়া চলচ্চিত্ৰ জগতত প্ৰৱেশ কৰে।

তেওঁৰ প্ৰথম পূৰ্ণদৈৰ্ঘ্য ছবি তুমি যদি কোৱা (২০১৩) এখন সংগীতপ্ৰধান ৰোমাণ্টিক ছবি; ইয়াৰ পৰিচালনাৰ লগতে চিত্ৰনাট্য আৰু সংলাপ তেওঁৰেই। এল এন ফিল্মছৰ বেনাৰত জিতুমণি টেৰণে ছবিখন প্ৰযোজনা কৰে আৰু ২০১৩ চনৰ ১৪ জুনত ই মুক্তি পায়। তেওঁ আকাশ আৰু অনুৰাগ তোমাৰ বাবে ধাৰাবাহিককে ধৰি দূৰদৰ্শনৰ কামো কৰিছে, লগতে বিজ্ঞাপন চলচ্চিত্ৰ আৰু সংগীত ভিডিঅ'ও। ২০১৩ চনৰ জুনৰ পৰা তেওঁ জনাক চেনেলত ক্ৰিয়েটিভ কনচেপ্ট ডাইৰেক্টৰ হিচাপে কাম কৰে।