সীমা বিশ্বাস

সীমা বিশ্বাস হিন্দী চলচ্চিত্ৰ আৰু থিয়েটাৰৰ এগৰাকী ভাৰতীয় অভিনেত্ৰী, ১৯৬৫ চনত অসমৰ নলবাৰীত জন্ম। নলবাৰী মহাবিদ্যালয়ত ৰাজনীতি বিজ্ঞান অধ্যয়ন কৰাৰ পাছত তেওঁ নতুন দিল্লীৰ ৰাষ্ট্ৰীয় নাট্য বিদ্যালয়ত নাট্যকলা শিকে।

হিন্দী ছবিত বৃহৎ সুযোগ পোৱাৰ আগতে তেওঁ অসমীয়া চলচ্চিত্ৰত অভিনয় কৰিছিল। বেণ্ডিত কুইন (১৯৯৪) ছবিত ফুলন দেৱীৰ চৰিত্ৰৰ বাবে তেওঁ শ্ৰেষ্ঠ অভিনেত্ৰীৰ ৰাষ্ট্ৰীয় চলচ্চিত্ৰ বঁটা লাভ কৰে। খামোছী: দ্য মিউজিকেল (১৯৯৬)ৰ বাবে শ্ৰেষ্ঠ সহযোগী অভিনেত্ৰীৰ স্ক্ৰীন বঁটা আৰু ২০০০ চনত সঙ্গীত নাটক একাডেমী বঁটাও তেওঁ পাইছিল। মাৰাঠী, মালয়ালম আৰু তামিল ছবিতো তেওঁ কাম কৰিছে।

সাম্প্ৰতিক অসমীয়া চলচ্চিত্ৰত তেওঁক কথানদী (২০১৫) আৰু ভোগা খিৰিকী (২০১৮)ত দেখা গৈছে।